Ugereranyije n’inkoko zitera amagi, inkoko z’inyama zo zikenera inkingo nkeya. Gusa nazo zisabwa kwitabwaho no gukurikiranwa kugira ngo zitange umusaruro mwiza.
By’umwihariko, inkoko z’inyama zisabwa kugaburirwa ibiryo bihagije kugira ngo zikure vuba kandi zifite inyama nziza kuko ari cyo ziba zarororewe.
Mu nyandiko y’uyu munsi tugiye kurebera hamwe gahunda y’inkingo zihabwa inkoko z’inyama nk’uko igaragara mu mbonerahamwe ikurikira:
Gahunda yo gukingira no guha imiti inkoko z’inyama
| IGIHE INKOKO IMAZE | URUKINGO | IGIPIMO CY’UMUTI N’URUKINGO |
| Inkoko imaze umunsi 1 | New castle | New Castle HB1: agacupa k’inkingo 1000 bagashyira muri litiro 20 z’amazi meza |
| Kuva ku munsi 1 kugeza ku munsi wa 4 | Vitamine Anti-stress | AMINOVIT: garama 1 bayivanga na litiro 1 y’amazi meza |
| Kuva ku minsi 5 kugeza ku minsi wa 7 | Contrôle Coccidiose | VETACOX: garama 1 bayivanga na litiro 1 y’amazi meza |
| Ku munsi wa 7 | GUMBORO | Cevac Gumbo L: agacupa k’inkingo 1000 bagashyira muri litiro 20 z’amazi meza |
| Ku munsi wa 14 | New Castle | New Castle Lasota: agacupa k’inkingo 1000 bagashyira muri litiro 20 z’amazi meza |
| Kuva ku munsi wa 17 kugeza ku wa 19 | Contrôle Coccidiose | Amprolium: garama 1 bayivanga na litiro 1 y’amazi meza |
| Ku munsi wa 21 | GUMBORO | Cevac Gumbo L: agacupa k’inkingo 1000 bagashyira muri litiro 20 z’amazi meza |
Ikindi gikomeye aborozi b’inkoko bakwiye kumenya ni uko kuri buri rukingo hagomba kujyaho itariki inkoko yaruherewe. Bakwiye kandi kumenya ko buri muti cyangwa urukingo rukoresha amazi bagomba gukoresha amazi asukuye.
Mugire amahoro.
Ubwanditsi bwa imbere.rw
